ОРАЛ. 12 қараша. ҚазАқпарат /Елжан Ералы/ - Оралда тоғызқұмалақтан жастар арасындағы ел біріншілігі мәреге жетті.
Жас ерекшеліктеріне қарай өткен жарыста классикадан павлодарлықтар Бақтияр Байжанов, Анастасия Фоос, Нұрахмет Резунов, ақтөбеліктер Гүлсара Қойшыман, Еркебұлан Тағыбергенов, батысқазақстандық Айнұр Базекенова жеңімпаз атанды. Блиц-турдан қостанайлықтар Гүлнұр Спанова, Медет Биғазин, Самал Маусымбаева, Думан Өтебаев, батысқазақстандық Жанаргүл Қаяпбергенова, астаналық Нұрбек Құрманов жеңіс тұғырына көтерілді. БҚО құрамасы екі алтын, үш күміс, бір қола медальды жеңіп алды.
Жастар арасындағы келесі жылғы біріншілік Шымкент қаласында өтеді. Ал биылғы дода жеңімпаздары 2012 жылы Чехияда өтетін әлем біріншілігінде ел намысын қорғайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).