ОРАЛ. ҚазАқпарат – Оралда төрт адам газдан уланды, олардың екеуі – кішкентай бала, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, оқыс оқиға 9 ақпан күні Краснодар көшесіндегі 45-үйде болды.
Жедел жәрдем сағат 16.45-те шақырылды.
Белгісіз заттан уланған 1,6 айлық ұл бала, 4 жасар қыз облыстық көпбейінді балалар ауруханасына, 48 жастағы әйел және 25 жастағы жүкті келіншек облыстық көпбейінді ауруханаға жеткізілді.
«Ауруханада олардың жеңіл дәрежеде табиғи газдан уланғаны анықталды. Барлығы да амбулаторлық ем алуға үйіне жіберілді», деп хабарлады басқарманың баспасөз қызметі.
Еске сала кетейік, бұдан бұрын Оралда 29 жастағы жігіттің газ тапаншасынан жарақат алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).