ОРАЛ. ҚазАқпарат – Оралда төртінші қабаттан секірмек болған 32 жастағы әйел құтқарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 27 қазан күні болды.
Сағат 14.30-да 32 жастағы азаматшаның төртінші қабаттан секірмекші болып тұрғаны жөнінде хабар түскен.
Деректер бойынша оның психикалық аурулар ауруханасында есепте тұрғаны анықталды.
Оқиға орнына жедел құтқару жасағы, «Өрт сөндіру және авариялық құтқару қызметі» ММ және апаттық медицина орталығы қызметкерлері техникаларымен жедел жетті.
Әйел құлап, жарақат алмас үшін құтқарушылар сол терезенің астына шатыр жайды. Тағы бір құтқарушы бесінші қабаттан түсіп, сағат 15.22-де әйелді пәтер ішіне кіргізіп алды. Сондай-ақ оған психологиялық көмек көрсетілді.
Еске сала кетейік, бұдан бұрын БҚО-да үй өртеніп, газдан уланған әйелдің қаза тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).