ОРАЛ. 8 қазан. ҚазАқпарат - Күз бен қыс - тұмаудың (грипп) өршитін уақыты. Осы аурудың алдын алу мақсатында Орал қаласына биыл 11498 вакцина бөлінген.
Орал қаласы бойынша мемлекеттік санитарлық-эпидемиологиялық қадағалау басқармасы эпидемиология бөлімінің бастығы Гүлбақыт Наурызәлинаның айтуынша, соның 1230-ы медицина қызметкерлеріне, 5108-і балаларға, 3790-ы ересектерге, 1370-і жүкті әйелдерге егілмек. Екпеден кейін екі апта ішінде қалыптасып, қорғаныш қасиетін жыл бойы сақтайтын аталмыш ем-дом шарасы сондай-ақ ақылы түрде жасалады. Егілемін деушілерге «Талап» АҚ және «Батыс АвиГип»ЖШС ақылы қызмет көрсетеді.
Эпидемиологтардың айтуынша, 2013-2014 жылдың күз-қыс мезгілінде «А» тұмауы белең алып, ал «В» тұмау вирусының белсенділігі төмен болады деп күтілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).