ОРАЛ. ҚазАқпарат - 5 желтоқсан күні сағат 20.16-да Жәңгір хан көшесі бойындағы 15-үйде 112-інші пәтер өртенген, - деп хабарлайды «ҚазАқпарат» тілшісі.
БҚО ТЖ департаментінің баспасөз хатшысы Нұргүл Мұқанованың айтуынша, төртінші қабатта шыққан өрт 25 шаршы метр аумақты қамтыған. Оқиға орнынан 35 адам шығарылған, соның 10-ы - балалар. Сегіз адам құтқарылса, соның үшеуі - балалар.
Өртті сөндіруге 17 адам, 6 техника жұмылдырылған.
Зардап шеккендер жоқ.
Еске сала кетейік, 5 желтоқсан күні түсте облыс орталығындағы дарынды балаларға арналған мамандандырылған С.Сейфуллин атындағы №11 облыстық қазақ мектеп-интернаты кешеніндегі электр қалқанынан түтін шығып , 25 адам ғимараттан шығарылған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).