ОРАЛ. ҚазАқпарат – Орал қаласында тұрғын үйдің ауласынан ер адамның мүрдесі табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, оқиға 26 қаңтар күні Меңдәлиев көшесіндегі жеке үйлердің бірінде болды.
«Сағат 9.34-те зорлықпен өлтірілген 1966 жылғы ер адамның мүрдесі табылды. Оның басын жарып кеткен. Қазіргі кезде ҚР ҚК 99-бабы 1-бөлігіне сәйкес қылмыстық іс қозғалып, күдікті іздестіріліп жатыр», - деп хабарлады ведомстводан.
Еске сала кетейік, бұдан бұрын БҚО-да 22 жастағы мұғалім қыздың өзіне қол салғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).