01:49, 21 Наурыз 2018

Оралда ұсақ бұзақылық жасаған 500-ге жуық адам жауапқа тартылды

ОРАЛ. ҚазАқпарат - Оралда биыл ұсақ бұзақылыққа барған 487 адам әкімшілік жауапкершілікке тартылды, деп хабарлайды ҚазАқпарат тілшісі.Орал қаласы мамандандырылған әкімшілік сотынан хабарлағанындай, соның ішінде 437 адамға айыппұл салынды. 50 адам қамауға алынды.

Өткен жылдың бірінші тоқсанымен салыстырғанда, осындай істер саны 167-ге азайды. Бұл қала көшелерінде бейнекамералардың көбеюіне, сот және басқа құқық қорғау органдары жүргізген алдын алу жұмыстарына байланысты болып отыр.

Айта кетейік, ұсақ бұзақылыққа барған адамға ҚР Әкімшілік құқықбұзушылық кодексі 434-бабына сәйкес 5 АЕК көлемінде айыппұл салынады немесе 10 тәулікке дейін қамалады.

Батыс Қазақстан облысы Заң Заң және құқық

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).