ОРАЛ. ҚазАқпарат - Орал қаласында үш адам ауыр жарақат алған жол оқиғасына қатысты тергеу жүргізілуде, деп хабарлайды «ҚазАқпарат» тілшісі.
БҚО ІІД баспасөз қызметінен мәлім еткендей, оқиға кеше сағат 04.50 шамасында болған. «ВАЗ 2112» автокөлігінің жүргізушісі Сарайшық көшесінде рульге ие бола алмай, жол белгісі мен ағашқа соғылған.
Аталған дерек бойынша, ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
БҚО денсаулық сақтау басқармасының баспасөз қызметі бүгін қосымша хабарлағанындай, Орал қалалық көпбейінді ауруханасында ота жасалған екі адам жансақтау бөлімінде жатыр. Үшіншісі - жарақат бөлімінде. Бәрінің де жағдайы ауыр.
Еске салайық, Оралда автокөліктің жол белгісіне соғылып, үш адамның ауыр жарақат алғаны жөнінде кеше хабарлаған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).