ОРАЛ. ҚазАқпарат - Оралда үш автокөлік соғысып, бір бала жарақат алды, деп хабарлайды ҚазАқпарат тілшісі.
Оқиға бүгін түс әлеуетінде болды. «Омега» зауыты ауданындағы көпірде «Кио Рио», «Лада Приора», «ГАЗель» автокөліктері соқтығысып, соның салдарынан кептеліс орын алды.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге сағат 13.28-де қоңырау шалынған.
Жол оқиғасынан 2011 жылы туған бала зардап шекті. Алдын ала диагноз бойынша жабық бас-ми жарақатын алып, миы шайқалған бала қалалық көпбейінді ауруханаға жеткізілген.
Қазіргі кезде оқиғаның жай-жапсары анықталып жатыр.
Еске сала кетейік, соңғы күндері қалада бірнеше жол-көлік оқиғасы тіркеліп отыр. Бұдан бұрын «Фольксваген» автокөлігінің қоқыс таситын көлікпен соқтығысып, тағы бір автокөліктің екі адамды қағып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).