ОРАЛ. ҚазАқпарат - Оралда үш автокөлік соқтығысып, екі адам қаза тапты, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға бүгін Трекин кенті бағытындағы Орал-Желаев жолында болды.
Жедел жәрдем сағат 16.38-де шақырылып, бригада 10 минуттан кейін жетті.
Жол апаты салдарынан 5 адам зардап шекті. Жасы шамамен 30-35-тегі екі ер адам жедел жәрдем келгенге дейін көз жұмды.
1967 жылғы ер, 1982 жылғы әйел адам және 2011 жылғы бала қалалық көпбейінді ауруханаға жеткізілді. Алдын ала мәлімет бойынша үшеуі де жабық бас-ми жарақатын алған және милары шайқалған. Бала кейін облыстық көпбейінді ауруханаға ауыстырылды.
Қазіргі кезде оқиғаның жай-жапсары анықталып жатыр.
Еске сала кетейік, бұдан бұрын Оралда 21 жасар қыздың жетінші қабаттан секіріп кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).