ОРАЛ. ҚазАқпарат – Оралда автокөлік велосипедпен жүрген ер адамды қағып кетті, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға 13 қазан күні шамамен сағат 22.40-та Ескі әуежай шағынауданында Светлая көшесінде болды.
37 жастағы жүргізуші «HINO RANGER» автокөлігімен (манипулятор) белгіленбеген жерден велосипедпен өтіп бара жатқан ер адамды қағып кеткен.
25-30 жастағы ер адам ауруханада көз жұмды. Кейін велосипедпен жүрген адамның 33 жастағы қала тұрғыны екені анықталды. Медициналық куәландыруға сәйкес жүргізуші ішімдік ішпеген.
Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).