ОРАЛ. ҚазАқпарат - Оралда әйелдер командалары арасында ҚР кубогы жарысының іріктеу кезеңі мәреге жетті, деп хабарлайды «ҚазАқпарат» тілшісі.
Финалдық кезеңге «Қуаныш» (СҚО) және «Алтай-2» командалары жолдама алды. Кездесулерінің бәрінде жеңіске жеткен «Қуаныш» командасы 15 ұпаймен бірінші орынға ие болды. Ал одан үш ұпайы кем өскемендіктер екінші сатыға жайғасты. Екінші жолдама үшін «Алтай-2» мен Оралдың «Грация-KZ» командалары таласқан болатын. Бұл ойында шығысқазақстандықтар айқын басымдылық (3:0) танытты. Оралдықтар 8 ұпаймен үздік үштікті түйіндеді.
Айта кетейік, «Қуаныш» пен «Алтай-2» ұлттық лиганың алты командасымен бірге финалдық кезеңде өнер көрсетеді. Бұл турнир 24 қазан - 1 қараша аралығында Өскемен қаласында өтпек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).