ОРАЛ. KAZINFORM — Орал қаласына қарасты Деркөл кентінің тұрғыны, 17 жастағы Артем Сармановқа іздеу жарияланды.
БҚО полиция департаментінің баспасөз қызметінен мәлім еткеніндей, аталған жасөспірім 24 ақпан күні шамамен сағат 07.45-те № 12 орта мектепке шығып кеткеннен оралмаған.
Ерекше белгілері: бойы 170 см, денесі арықша келген.
Үстіне капюшоны бар қара күрте, қара трико, аяғына қара кроссовка киген. Өзімен бірге Айфон 11 маркалы телефоны бар.
— Жасөспірімді көрген-білген жандар болса, 8-777-184-04-90, 8-705-796-68-68 немесе 102 нөміріне қоңырау шалуы сұралады. Қазіргі кезде іздестіру жұмыстары жалғасуда, — деп хабарлады ведомстводан.
Еске сала кетейік, бұдан бұрын Оралда пәтер тонап, 2 млн теңге шығын келтірген қылмыстық топтың ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).