ОРАЛ. ҚазАқпарат - Орал қаласындағы саяжайлардың бірінде оқыс оқиға орын алды, деп хабарлайды ҚазАқпарат тілшісі.
БҚО Төтенше жағдайлар департаментінен алынған мәліметке қарағанда, 4 сәуір күні түн жарымда «Автодорожник» бау-бақша қоғамында көрші учаскеде орналасқан құрылыстың тозығы жеткен жабынды плиталары жақын тұрған саяжай үйіне құлаған. Салдарынан саяжай үйінің қабырғалары қирап, 1999 жылғы азаматша мен 2007 жылғы қыз жарақаттанған. Олар ауруханаға жеткізілді.
Оқиға орнына жедел құтқару жасағынан 4 адам мен 1 техника барды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).