ОРАЛ. ҚазАқпарат - Оралда республикалық бюджет есебінен 300 төсектік қалалық көпбейінді аурухана құрылысы жалғасуда.
Облыстық құрылыс басқармасынан түскен мәліметке қарағанда, 2012-2015 жылдар арасында бас мердігер «Болашақ-Т» ЖШС салып жатқан нысанның жалпы құны - 8,2 млрд. теңге. Биылғы жылға ел қазынасынан 2,3 млрд. теңге қаралып отыр. Бұл нысанға 2012-2014 жылдары 4,8 млрд. теңге жұмсалса, биылғы жыл басынан бері 103,5 млн. теңге игерілді.
Аурухананы 2015 жылғы желтоқсанда пайдалануға беру көзделуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).