ОРАЛ. ҚазАқпарат - Орал қаласындағы жаңа алаңда 1400 орындық мәдениет сарайы салынбақ, деп хабарлайды «ҚазАқпарат» тілшісі.
Облыс әкімі Алтай Көлгіновтің айтуынша, шаһарда заманауи концерт залы жоқ.
«Көпшілік жиналатын шаралар теннис орталығында, «Нұр Отан» партиясы облыстық филиалы ғимаратының залында, одан қалды концерттік бағдарламалар «Зенит» зауытының мәдениет сарайында өтіп жүр. Бұл дұрыс емес. Сондай-ақ жекеменшіктегі кейбір концерт залдарының қашаннан бері жөндеу көрмей тұрғанын да айту керек. Сондықтан біз осындай шешім қабылдадық», деді әкім.
Еске сала кетейік, биылғы жыл соңына дейін Оралда «Рухани жаңғыру» музейі іске қосылатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).