ОРАЛ. 23 мамыр. ҚазАқпарат - Оралда жаңа оқу жылынан бастап қала мектептерінде шәкірттер бірыңғай киіммен жүрмек.
Қалалық білім бөлімінен түскен мәліметке қарағанда, бұл өзгеріс мектеп жарғыларына енгізілген. Мұғалімдердің пікірінше, бір тектес киім оқушылар арасында ұйымшылдықты арттырып, білім биігіне жетуіне септеседі. Түрлі әлеуметтік топтар арасындағы айырмашылықтар киіммен байқалмайтын болады. Алдын ала бекітілген эскиз арқылы тігілетін мектеп киімі отбасылық бюджетке 5 мыңнан 18 мың теңгеге дейін түсетін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).