ОРАЛ. KAZINFORM - Орал қаласында құтқарушылар көпірден Жайық өзеніне секіріп кеткен қызды аман алып қалды.
БҚО ТЖД баспасөз қызметінен мәлім еткеніндей, оқиға 11 мамыр күні кешкісін сағат 21.34-те жылу-қуат орталығы ауданында Жайық өзенінен өтетін, Самара-Шымкент жолы бойындағы көпірде болды.
- Осы тұстан өтіп бара жатқан құтқарушылар Марс Молдағалиев пен Денис Дащенко көпірден секірген қызды көріп қалған. Содан кейін ағаш бұталарының көмегімен судан шығарып алған. Департамент бастығының міндетін уақытша атқарушы Жанболат Жаншин оқыс оқиға кезінде батылдық танытқан құтқарушыларға ризашылығын білдіріп, алғысхат табыс етті, - деп хабарлады ведомстводан.
Еске сала кетейік, Оралда өртенген гараж орнынан ер адамның мүрдесі табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).