ОРАЛ. Мамырдың 25-і. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университеті «Ақиқат» пікірталас орталығының ұйымдастыруымен Ұлы Жеңістің 65 жылдығына орай облыстық турнир өткізіліп,
оған қаладағы жоғары және орта арнаулы оқу орындарының командалары қатысты, деп хабарлайды ҚазАқпарат тілшісі.
Сайыс мақсаты - жастардың шешен сөйлеп, өз көзқарасын қорғай білуіне септесу. Онда студенттер Елбасы Жолдауы, Жеңістің 65 жылдығы, майдангерлерге көрсетілетін қамқорлық аясын кеңейту, Қазақстанның кедендік одаққа енуіндегі елге пайда келтіретін тұстар және басқа тақырыптарда сынға түсті. Сайыс қорытындысында Жәңгір хан атындағы Батыс Қазақстан аграрлық-техникалық университетінің «Парасат», «Гладиатор» командалары үздік шықса, Еркін Мұратов пен Тимур Нұрғалиев үздік спикер болып танылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).