13:25, 27 Сәуір 2018

Оралда жаттықтырушылар мен қызметкерлерден 123 млн теңге өндіруден бас тартылды

ОРАЛ. ҚазАқпарат - Орал қалалық №2 соты Батыс Қазақстан облыстық дене шынықтыру және спорт басқармасының талап-арызын қарады, деп хабарлайды ҚазАқпарат тілшісі.

Басқарма басшысының орынбасары Жеңіс Нығметуллиннің айтуынша, осы мекеменің бұрынғы басшысы Мүсілім Оңдағановтың ісі бойынша куәгерлерден (жаттықтырушылар мен басқа да қызметкерлерден, барлығы 28 адамнан) 123 млн теңге өндіру туралы талап-арызды сот қанағаттандырмады.

«Сот талап-арыз беру мерзімі өтіп кеткендіктен және куәгерлер кінәлі болып табылмағандықтан, осындай шешімге келді. Біз бұдан кейін апелляциялық шағым бермейміз, осымен тоқтадық», деді «ҚазАқпарат» тілшісіне Ж.Нығметуллин.

Еске сала кетейік, БҚО бұрынғы спорт басқармасы басшысының ісі бойынша куәгерлерден 123 млн теңге өндіру көзделіп отырғанын біз бұдан бұрын жазған болатынбыз.

Батыс Қазақстан облысы Заң Заң және құқық
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).