21:10, 30 Наурыз 2013

Оралда жаяу жүргінші полиция қызметкері көлігінің астында қалып, мерт болды

ОРАЛ. 30 наурыз. ҚазАқпарат - 29 наурыз күні таңертең Орал қаласында Тайманов көшесі бойындағы «ОралЖанОйл» жанар-жағар май құю стансасы тұсында мемлекеттік нөмірі L 929 NРМ «Ауди А6» автокөлігі жаяу жүргіншіні қағып кетті.

Облыстық ішкі істер департаментінің баспасөз қызметінен хабарлағанындай, жолдан тыйым салынған жерден өтпек болған жаяу жүргінші - 1962 жылғы Иван Запрометов оқиға орнында қаза болды.
БҚО ІІД қызметкерлерінің тексеруі барысында автокөлікті Шыңғырлау аудандық ішкі істер бөлімі жол полициясы тобының аға мемлекеттік автоинспекторы, полиция аға лейтенанты К.Ақжігітовтің басқарғаны және ол оның жеке автокөлігі екені анықталды.
Полиция қызметкеріне қатысты Қазақстан Республикасы Қылмыстық кодексінің 296-бабы 2-бөлімі бойынша қылмыстық іс қозғалып, ол Қазақстан Республикасы Қылмыстық іс жүргізу кодексінің 132-бабына сәйкес Орал қалалық ішкі істер басқармасының уақытша ұстау абақтысына қамауға алынды.

Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).