ОРАЛ. ҚазАқпарат - Оралда жаяу жүргіншіні автокөлігімен қаққан жүргізуші қашып кеткен, деп хабарлайды ҚазАқпарат тілшісі.
Орал қалалық полиция басқармасы жергілікті полиция қызметі бөлімінің аға инспекторы, полиция майоры Динара Әбділқалықованың айтуынша, оқиға 18 қаңтар күні шамамен сағат 02.30-да орын алды.
Белгісіз жүргізуші автокөлігімен Ғ.Құрманғалиев пен Орынбор көшелерінің қиылысында жаяу жүргіншіні қағып кетіп, оқиға орнынан бой тасалаған.
Салдарынан 1955 жылғы Н. есімді тұрғын оқиға орнында көз жұмды.
«Оқиға болған кезде осы маңнан жүріп өткен, бейнетіркеушісі бар жүргізушілердің, барлық куәгерлердің БҚО полиция департаменті жергілікті полиция қызметіне 102, 92-17-00, 92-17-44, 8 777-183-74-54, 8 701-849-85-64 телефондары бойынша хабарласуын сұраймыз», деді ҚазАқпарат тілшісіне Д.Әбділқалықова.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).