АСТАНА. KAZINFORM – Орал қаласында Жайық өзенінен өтетін көпір жөндеуге жабылады.
Орал қаласы әкімдігінен мәлім еткеніндей, Жайықтың жайылмасы (Песчанное өзені) арқылы өтетін көпірге Самара-Шымкент автожолында мердігер компанияның кепілдік міндеттемелері аясында жөндеу жұмысын жүргізу жоспарланған.
«Осыған байланысты жұмыстарды жүргізу кезінде техникалық және жол қозғалысы қауіпсіздігін қамтамасыз ету мақсатында әкімшілік полицияның, «ҚазАвтоЖол» ҰК» АҚ келісімімен биылғы 23 және 24 қараша күндері сағат 09.00-ден 17.00-ге дейін аталмыш көпірді уақытша жабу туралы шешім қабылданды. Автокөліктер айналма жол – Меловые горки ауылы маңындағы көпір арқылы қатынайтын болады», деп хабарлады ведомстводан.
Бұл көпірдің бірінші рет жөндеуге жабылуы емес.
Еске сала кетейік, бұдан бұрын Орал қаласында Жайық өзенінен өтетін көпір жабылатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).