ОРАЛ. ҚазАқпарат - Оралда жедел жәрдем стансасында 34 жүргізуші қысқартылды, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, қаладағы барлық емханаларда жедел жәрдем қызметі ашылды. Бұл жағдай осыған байланысты орын алып отыр.
«Заң бойынша жүргізушілерді жедел жәрдем стансасынан емханаға тікелей ала алмайды. Сондықтан жедел жәрдем стансасынан қысқартып, өтемақыларын төлейді. Содан кейін мүмкіндігіне қарай көпшілігін емханаларға жұмысқа алады», деді А.Сақпосынова.
Бұрын жедел жәрдем стансасында 48 бригада болса, қазір 36 қалды. Қалғаны емханалардағы жедел жәрдем қызметімен қамтамасыз етіледі.
Айта кетейік, қалада барлығы 320 мыңдай адам тұрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).