ОРАЛ. ҚазАқпарат - Оралда жеңіл автокөлік бағанға соғылды, деп хабарлайды ҚазАқпарат тілшісі.
Оқиға бүгін таңертең Гагарин көшесінің бойында орын алды. «Лада Гранта» автокөлігі электр бағанға келіп соғылған. Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 08.34-те жеткен.
«1956 жылғы ер адам кеуде тұсынан жарақат алған. Ол қалалық көпбейінді ауруханаға жеткізілді», - деді ҚазАқпарат тілшісіне А.Сақпосынова.
Куәгерлердің сөзіне қарағанда, бірнеше сағаттан кейін осы тұстағы тағы бір баған жолай өтіп бара жатқан автокөлікке құлаған. Оның жүргізушісі жарақат алмаған.
Фото: mgorod.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).