ОРАЛ. ҚазАқпарат – Оралда жеңіл автокөлік өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 1 қыркүйек күні Сарыарқа көшесі 51-мекенжайында сағат 06.26-да орын алды.
«Volkswagen Sharan» автокөлігінің мотор бөлігі жанған.
Өртті сөндіруге 7 адам, 1 техника жұмылдырылды. «Тілсіз жау» 07.02-де ауыздықталды.
Зардап шеккендер жоқ.
Қазіргі кезде өрттің шығу себебі, келтірілген шығын анықталуда.
Баспасөз қызметінің мәлімдеуінше, автокөлік 5-6 минутта жанып кетеді және көбінесе көлік иесінің көзінше болып жатады. Мұның негізгі үш себебі бар: 50 пайызы қысқа тұйықталудан, 30 пайыздайы қасақана от қоюдан және 20 пайыздайы қосалқы бөлшектердің тозуынан болады.
Еске сала кетейік, бұдан бұрын БҚО-да колледж ғимаратының опырылып түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).