ОРАЛ. ҚазАқпарат – Оралда жоғалып кеткен 15 жастағы қыз аман-есен табылды, деп хабарлайды ҚазАқпарат тілшісі.
Бұдан бұрын ҚазАқпарат жазғанындай, Қарақат Арыстанғалиева 5 мамыр күні сағат 22.00-де үйінен шығып кеткеннен оралмаған болатын.
БҚО полиция департаментінің баспасөз қызметі мәлім еткеніндей, Қарақат бүгін түнгі сағат 01.00 шамасында құрбысының үйінен табылды.
«15 жасар қызды Орал қаласы полиция басқармасының кәмелетке толмағандар ісі жөніндегі инспекторы тапты. Қазір жасөспірім өзінің үйінде. Оның жеке басына қатысты болғандықтан, қалған мәлімет таратылмайды», деп хабарлады ведомстводан.
Еске сала кетейік, бұдан бұрын Оралда жоғалып кеткен 15 жасар қыздың іздестіріліп жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).