ОРАЛ. ҚазАқпарат – Оралда жоғалып кеткен әйел ауылдан табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, 39 жастағы Әсемгүл Жұмағұлова Жаңақала ауданы Қызылоба ауылында жүрген болып шықты.
Полиция қызметкерлері жүргізген жедел іздестіру шаралары барысында оның телефон байланысы Жаңақала ауданы аумағынан шыққаны белгілі болды. Содан кейін Жаңақала ауданы учаскелік полиция инспекторларының көмегімен оның жүрген жері анықталды.
Ауылдағы таныстарына барған әйел үйіне қайтарылды.
Еске сала кетейік, бұдан бұрын Оралда із-түзсіз кеткен әйелдің алты күннен бері табылмай жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).