ОРАЛ. ҚазАқпарат - Оралда жоғалып кеткен қыздың мүрдесі табылды, деп хабарлайды ҚазАқпарат тілшісі.
Облыстық ішкі істер департаментінің баспасөз қызметінен түскен мәліметке қарағанда, 1 қыркүйек күні таңғы сағат 07.40 шамасында 1996 жылғы Г. есімді қыздың жоғалып кеткені туралы хабар түскен.
Бүгін қыздың денесі Шаған өзенінен табылды. Марқұмның денесінде зорлық-зомбылық белгілері жоқ.
Қазіргі кезде осы оқиға бойынша Орал қалалық ішкі істер басқармасына қарасты Абай полиция бөлімі тергеу амалдарын жүргізуде.
Облыстық ішкі істер департаменті бастығының бірінші орынбасары Асылғали Меңдіғалиннің нақтылауынша, қыз хабарсыз кетердің алдында өзінің жүрген жігітімен келіспей қалған. Сосын оның нөміріне өзінің алысқа кетіп бара жатқанын айтып, кіші інісіне көз болуын өтініп, смс-хабарлама жіберген.
Айта кетейік, Г-ның жоғалып кеткені туралы әлеуметтік желі арқылы да хабарланып, іздеу салынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).