ОРАЛ. ҚазАқпарат – Орал қаласында жоғалып кеткен екі жасөспірім екі күннен кейін табылды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, екеуі де - 17 жаста.
12 сәуір күні шамамен сағат 10.30-да зерде бұзылыстары бар балаларға арналған облыстық арнайы кешен мектеп-интернат-колледжінен белгісіз бағытта шығып кеткен.
«Жасөспірімдер оралмағаннан кейін ерекше белгілері көрсетіліп, іздеу салынды. Екі оқушы бүгін таңмен аман-есен табылды. Қазіргі кезде оқиғаның жай-жапсары анықталу үстінде», деп хабарлады ведомстводан.
Еске сала кетейік, бұдан бұрын Оралда түсте жоғалып кеткен оқушы қыздың түнде табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).