ОРАЛ. ҚазАқпарат – Оралда жол апатынан полиция қызметкері жарақат алды, деп хабарлайды ҚазАқпарат тілшісі.
Облыстық денсаулық сақтау басқармасының баспасөз қызметі мәлім еткеніндей, оқиға 12 қазан күні кешкісін Н.Назарбаев даңғылы мен М.Ықсанов көшесінің қиылысында болды.
Жедел жәрдем сағат 21.25-те шақырылды.
«Нива» автокөлігі патрульдік автокөлікпен соқтығысты. Соның салдарынан полиция қызметкері түрлі жарақатпен қалалық көпбейінді ауруханаға жеткізілді. Оның мұрын арқашығының қыры көгерген, мойыномыртқа бөлігіне зақым келген. Сондай-ақ тоғызыншы қабырғасы сынған.
Полиция қызметкеріне медициналық жәрдем көрсетіліп, амбулаторлық ем алу ұсынылды.
Қазіргі кезде оқиғаның жай-жапсары анықталу үстінде.
Еске сала кетейік, бұдан бұрын БҚО-да екі автокөлік соқтығысып, үш адамның зардап шеккенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).