ОРАЛ. ҚазАқпарат - Орал қаласында жолдың қарсы бетіне шығып кеткен 22 жүргізуші куәлігінен айырылды, деп хабарлайды ҚазАқпарат тілшісі.
Орал қаласы мамандандырылған әкімшілік сотынан түскен мәліметке қарағанда, аталған жүргізушілер бұрылған және кері айналған кезде жолдың қарсы бетіне шығып кетіп, жол қозғалысы ережесін бұзған.
ҚР Әкімшілік құқықбұзушылық кодексі 596-бабы 4-бөлігіне сәйкес мұндай құқықбұзушылық алты айға көлік құралын басқару құқығынан айыруға әкеп соғады. Жүргізушілерге мұндай қадамға екінші рет барса, 50 АЕК көлемінде айыппұл салынатыны ескертілді.
Айта кетейік, өңірде жолдың қарсы бетіне шығып кетуден жол-көлік оқиғалары аз болып жатқан жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).