ОРАЛ. ҚазАқпарат - Бүгін Оралға қарасты Желаев ауылында жүк көлігі жасөспірімді қағып кетті, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем стансасына сағат 11.54-те шақырту түскен.
Сағат 12.00-де жедел жәрдем бригадасы оқиға орнына жеткен. 2003 жылғы жасөспірім ашық бас-ми жарақатын алған. Сондай-ақ бассүйек түбегейі сынған. Ол қалалық көпбейінді ауруханасына жеткізілді. Балалар урологы, хирург, анестезиолог, кардиологтан кеңес алынып, дәрігерлік көмек көрсетілуде.
Қазіргі кезде оқиғаның жай-жапсары анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).