ОРАЛ. KAZINFORM — Орал қаласындағы «Шашлыкоff» кафесінде тарақан жүргені жөнінде әлеуметтік желіде бейнежазба жарияланды.
Қоғам белсендісі Алмагүл Иқсанованың мәлім еткеніндей, тарақан анық көрініп тұр.
— Мен бейнедәлелді келтірдім. Санитарлық талап бұзылған. Алайда тексеру белгілі бір уақыт өткеннен кейін жүргізілген, бұл мерзімде нысанды дайындап қоюы мүмкін еді. Санитариялық-эпидемиологиялық басқарма нақты дәлелді ескермей, азаматтардың арыз-шағымын объективті қарау жөніндегі заңнама талаптарын бұзды деп есептеймін, — деді А.Иқсанова.
Аталған бап бойынша заңбұзушылық анықталса, жеке тұлғаларға — 20, лауазымды адамдарға, шағын кәсіпкерлік субъектілеріне немесе коммерциялық емес ұйымдарға — 160, орта кәсіпкерлік субъектілеріне — 210, ірі кәсіпкерлік субъектілеріне 1 600 АЕК мөлшерінде айыппұл салынады.
Еске сала кетейік, бұдан бұрын Орал қаласында 70 адамнан сальмонеллез анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).