ОРАЛ. ҚазАқпарат – Орал қаласындағы «Парк отель» кешенінің саунасы отқа оранды, деп хабарлайды ҚазАқпарат тілшісі.
Фото: БҚО ТЖД
БҚО ТЖ департаментінің баспасөз қызметінен мәлім еткеніндей, оқиға 8 қыркүйек күні «Самал-3» шағын ауданында болды.
«Сағат 11.27-де «Парк отель» аумағында өрт шыққаны жөнінде хабар түсті. Оқиға орнына жедел жеткен өрт сөндірушілер бөлек тұрған сауна ғимаратының ішінде аумағы 100 шаршы метр ішкі қаптаулар мен жиһаздың жанып жатқанын анықтады. «Тілсіз жау» сағат 12.10-да оқшауланып, 12.42-де толықтай ауыздықталды. Оған барлығы 38 адам, 11 техника жұмылдырылды. Зардап шеккендер жоқ. Қазіргі кезде өрттің шығу себебі, келтірілген шығын анықталу үстінде», - деп хабарлады ведомстводан.
Еске сала кетейік, бұдан бұрын Оралда тоғыз қабатты үй өртеніп, 2 адамның қаза тапқанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).