Оралдағы Жайық жағалауында шыршалар отырғызылды
18:32, 25 Желтоқсан 2013
ОРАЛ. 25 желтоқсан. ҚазАқпарат - Орал қаласында биыл абаттандырылған Жайық жағалауында бүгін жасыл шыршалар отырғызылды.
Шараға қатысқан Орал қаласының әкімі Алтай Көлгіновтің айтуынша, барлық технологиялық талаптарды сақтай отырып, мұнда 50, қаланың басқа жерлеріне 150 шырша отырғызылды. Жуырда Салтанат сарайы жанында, қаланың басқа шағынаудандарында жаңа бақтар пайда болды. Желтоқсан айында шаһарда барлығы 400 шырша егілді.
Алдағы жылдың наурыз айында қаланың басқа аумақтарына да қарағай мен шыршалар егілетін болады.