ОРАЛ. KAZINFORM — Мәншүк Мәметова атындағы Орал халықаралық әуежайынан 3 қаңтардан бастап Түркістанға ұшақтар қайтадан ұшады.
«Орал халықаралық әуежайы» ЖШС-ның баспасөз қызметінен мәлім еткеніндей, рейстер аптасына екі рет, сәрсенбі және сенбі күндері орындалады.
Еліміздің рухани астанасына ұшуды SCAT әуекомпаниясы орындайтын болады. Рейстер күзгі-қысқы навигацияның соңына дейін жоспарланған.
- Біз үшін басты мақсаттардың бірі сұранысқа ие ішкі бағыттар бойынша тікелей рейстердің санын арттыру болып табылады. Соның бірі Түркістанға ұшатын рейс екені даусыз, - деді әуежайдың бас директоры Дамир Самиғуллин.
Еске сала кетейік, бұдан бұрын Оралдан Атырауға ұшатын рейстің тоқтатылғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).