ОРАЛ. ҚазАқпарат – БҚО сотының қылмыстық істер жөніндегі апелляциялық сот алқасында сотталушы Тұрлан Амангелдінің шағымы қаралды, деп хабарлайды ҚазАқпарат тілшісі.
ҚазАқпарат бұдан бұрын жазғандай, оралдық кәсіпкер Еркін Мұханғалиевті өлтірген Руслан Қожантаев пен Тұрлан Амангелді 15 жылға бас бостандығынан айыру жазасын қауіпсіздігі барынша жоғары қылмыстық-атқару жүйесі мекемесінде өтеуге сотталған болатын.
БҚО сотының баспасөз қызметінен мәлім еткеніндей, апелляциялық сатыдағы сот шағымды қарап, үкімді өзгеріссіз қалдырды. Тек жазаларын қауіпсіздігі орта қылмыстық-атқару жүйесі мекемесінде өтеуге өзгертілді.
Еске сала кетейік, бұдан бұрын Оралда кәсіпкерді өлтірген тұрғындардың 15 жылға сотталғанын жазған болатынбыз.
Сондай-ақ Оралда кәсіпкерді өлтірген сотталушының бірі апелляциялық шағым түсірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).