ОРАЛ. Қаңтардың 10-ы. ҚазАқпарат /Елжан Ералы/ - Оралдық жас әнші Еркін Өтегенов үшін өткен жыл табысты болды,
деп хабарлайды ҚазАқпарат тілшісі.
Астана, Астрахан қалаларында гастрольдік сапарда болып, туған жері Ақжайық ауданында жеке концертін қойған Ғ.Құрманғалиев атындағы облыстық филармонияның әншісі одан кейін «Қыдыр қонған Қызылорда» республикалық байқауының бас жүлдесін иеленді. Сондай-ақ ол Қазақ радиосының ән қорына өз орындауында бірнеше әнді енгізді.
2010 жыл қарсаңында «Сағындырған әндер-ай» мерекелік концертіне де қатысқан батысқазақстандық әнші Еркін Саят, Нұрсаят және Медет есімді жастармен бірлесіп Сейділдә Шәріповтің Оспанхан Әубәкіровтің сөзіне жазылған «Өзің, сәулем, іздегенім» әнін мәнеріне келтіре орындап шықты.
Жас әнші жаңа жылда да шығармашылық ізденістерін ширата түспек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).