Орал қаласындағы М.Мәметова атындағы халықаралық әуежайға қонған ұшақта 17 жасар қыз көз жұмды, деп хабарлайды ҚазАқпарат тілшісі.
TourDom.ru сайтынан алынған мәліметке қарағанда, Turkish Airlines әуе компаниясының ұшағы Қазаннан Анталияға 17 қыркүйек күні жергілікті уақыт бойынша сағат 12.44-те ұшқан.
Ұшу кезінде 17 жасар мүгедек қыздың жүрегі тоқтап қалған. Осы рейспен келе жатқан екі дәрігер қыздың жүрегіне массаж жасап, жасанды демалдырғанымен, одан ештеңе шықпады.
Ұшақ Орал қаласына мәжбүрлі түрде қонды.
«Орал» халықаралық әуежайы» ЖШС баспасөз қызметі ұшақтың 17 қыркүйек күні 16.01-де қонып, 2,5 сағаттан кейін қайта ұшып кеткенін хабарлады.
БҚО денсаулық сақтау басқармасы баспасөз қызметінің нақтылауынша, қыз жедел жәрдем келгенше ұшақ бортында қайтыс болып кеткен. Бригада сағат 16.02-де шақыртылып, 16.17-де жеткен.
Ұшақта 3 дәрігер болған, олар 45 минут бойы қызды аман алып қалуға тырысқанымен одан ештеңе шықпады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).