АСТАНА. 11 ақпан. ҚазАқпарат - Бүгін Астанада өткен брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев Үкімет басшысы Серік Ахметовтің осы аптадағы жұмыс жоспарымен таныстырды.
Атап айтқанда, бүгін Премьер-Министр ҚР Әділет министрлігінің өткен жылғы қорытындылары мен биылғы мақсат-міндеттеріне арналған кеңейтілген алқа мәжілісіне қатысады.
Бұдан бөлек, 14 ақпанда С. Ахметов ҚР Мемлекеттік-жекеменшік серіктестік жөніндегі үйлестіру кеңесінің кезекті отырысын өткізеді. Ал 15 ақпанда Премьер-Министр Экономиканы жаңғырту жөніндегі мемлекеттік комиссияның кезекті отырысына қатысады деп күтілуде.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.