ӨСКЕМЕН. ҚазАқпарат – Өскемен әкімдігі қала атауы жазылған тұғырдағы қате жайлы түсінік берді, деп хабарлайды ҚазАқпарат тілшісі.
Соңғы күндері әлеуметтік желі қолданушылары Өскеменге кіреберісте шаһар атауы жазылған тұғырдағы қатені сынға алды. Фотосуреттен көрінетіндей, Өскемен атауынан «s» әрпі түсіп қалып Ókemen (Өкемен) деп жазылып қалған.
Қала әкімінің кеңесшісі Әлібек Тұрсымбетовтың айтуынша, бұл орфографиялық қате емес.
«Аталған тұғырдағы монтаждау жұмыстары толықтай аяқталмаған. Осыған байланысты «с» әрпі түсіп қалыпты. Әр әріп бөлек-бөлек орнатылған болатын. Қазіргі уақытта тұғырдағы жазу түзетілген», - деді ол.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.