ӨСКЕМЕН. KAZINFORM — Шығыс Қазақстан облысындағы Өскемен-Риддер тасжолында асфальттың опырылғаны жайлы жалған ақпарат тарап жатыр.
«ҚазАвтоЖол» ҰК ШҚО филиалының мәліметінше, республикалық маңызы бар Өскемен-Риддер, Өскемен-Шемонаиха, Өскемен-Алтай-Рахман қайнарлары және Өскемен-Семей бағыттарындағы жолдарда орташа жөндеу жұмыстары қолға алынған.
Бұл жобаларда жер төсемінің иірімін (пучиналарды) жою шаралары да қарастырылған. Ал бұл жұмыстарды видеоға түсіріп алғандар желіде Өскемен-Риддер тасжолында асфальттың опырылғаны жайлы жалған ақпарат таратқан.
Еске салсақ, осыған дейін Шығыс Қазақстанда жолды су шайып кеткені жайлы жазғанбыз.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.