ӨСКЕМЕН. ҚазАқпарат – Өскемен қаласының тұрғындары автобус пен трамвай қозғалысына мобильдік қосымша арқылы шағымдана алады, деп хабарлайды ҚазАқпарат тілшісі.
Қалалық жолаушылар тасымалын басқару орталығының мәліметіне сүйенсек, азаматтар автобус пен трамвай қозғалысына «Oskemenbus» мобильдік қосымшасы арқылы шағымдана алады.
«Қазір жаңартылған бұл қосымшада қателер түзеліп, дерекқордан ақпаратты жүктеу оңтайландырылды. Қоғамдық көлік дұрыс жүрмей жатса немесе басқа да кемшіліктер байқалса, ешқайда бармай-ақ қосымша арқылы арыз-шағым, ұсыныс қалдыруға болады», - дейді орталық директоры Нұрсұлтан Кәрібеков.
Оның айтуынша, әр шағым бойынша тиісті тексеру жүргізіліп, тиісті шара қабылданады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.