ӨСКЕМЕН. ҚазАқпарат – Өскемен қаласының тұрғындарына медициналық маска бағасының қымбаттығын айтып, шағымдануға болады, деп хабарлайды ҚазАқпарат.
Өскемендіктер әлеуметтік желі арқылы кей дәріханалар мен сауда орындарында медициналық маскалардың құны шарықтап кеткенін жазуда. Осы ретте қаладағы коронавирустың таралуына қарсы құрылған штаб өкілдері азық-түлік және медициналық масканың орынсыз қымбаттағаны жайлы арыз-шағымдарды қабылдайтын Сall-орталықты іске қосты.
«Осындай фактілерді байқағандар 138 және 8 (777) 907-20-93 телефон нөмірлеріне хабарласа алады», - деп хабарлады штаб өкілдері.
Естеріңізге сала кетсек, осыған дейін ШҚО-да күн сайын 100 мың дана медициналық маска шығарылатыны хабарланған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.