ӨСКЕМЕН. ҚазАқпарат – Шығыс Қазақстан облысының полиция қызметкерлері карантин кезіндегі тәртіпті сақтау мақсатында рейд жүргізді, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, Өскемен қаласының 36 тұрғыны шектеу шараларын бұзып, жеке көліктерімен Алтай ауданындағы Бұқтырма ауылына жолға шығып кеткен.
«Тәртіп сақшылары заңбұзушылыққа жол бергендерден рұқсат қағаздарын тәркілеп алды. Оларға қатысты әкімшілік хаттама толтырылды. Қала тұрғындарына карантин кезіндегі шектеу шараларын қатаң сақтау қажеттігін ескертеміз», - деп хабарлады ведомство өкілдері.
Айта кетейік, карантин уақытында қала сыртына шығуға тыйым салынған. Демалыс және мереке күндері жеке көлікпен жүруге болмайды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.