ӨСКЕМЕН. ҚазАқпарат – Өскемен қаласында 18 жастағы жігіттен оқ тәркіленді, деп хабарлайды ҚазАқпарат тілшісі.
ШҚО полиция департаменті баспасөз қызметінің мәліметіне сүйенсек, полицейлер «Құқықтық тәртіп» жедел алдын ала шарасын жүргізу барысында 18 жастағы жігітті тоқтатқан.
«Тексеру барысында оның сөмкесінен Макаров тапаншасының 5 оғы табылды. Қазіргі уақытта тергеу амалдары жүргізілуде», - деп хабарлады ведомство өкілдері.
Айта кетейік, осыған дейін Семей қаласында 17 жастағы жасөспірімнен оқ тәркіленген болатын. Ол 5,45 және 7,62 калибрлі 2 оқты қалтасына салып жүрген.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.