ӨСКЕМЕН. ҚазАқпарат - Өскемен қаласында адам өлтіру күдігіне ілігіп, 4 жыл бойы іздеуде жүрген күдікті Нұр-сұлтан қаласында ұсталды, деп хабарлайды ҚазАқпарат.
Өскеменде 2015 жылдың қазан айында 1972 жылғы әйелдің мәйіті табылған болатын. Жедел іздестіру шараларын жүргізген тәртіп сақшылары көп ұзамай күдіктіні анықтады. Бірақ 48 жастағы қала тұрғыны 4 жыл бойы жасырынып келген.
«2020 жылдың қаңтар айында Нұр-Сұлтан және Өскемен қалалық полиция басқармаларының бірлесе атқарған шараларының нәтижесінде күдікті қолға түсті. Қазір ол уақытша ұстау изоляторына қамалған» - деп хабарлайды ШҚО Полиция департаментінің баспасөз қызметі.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.