Өскеменде әлемнің химия және биология мұғалімдері бас қосады
03:41, 27 Маусым 2012
АСТАНА. 27 маусым. ҚазАқпарат - Ағымдағы жылдың 27-28 маусымында Өскемен қаласында ҚР Білім және ғылым министрі Б. Жұмағұловтың төрағалығымен С. Аманжолов атындағы Шығыс Қазақстан мемлекеттік
университетінде «Мектептік жаратылыстану ғылыми білімі: қоғам, ғылым және ХХІ ғасыр технологиясы» атты ҚР химия және биология мұғалімдерінің І Сьезі өтеді. Оған Қазақстаннан, Ресейден, Ұлыбританиядан, Франциядан, Қытай мен Монғолиядан, Германиядан, Жаңа Зеландиядан келген қонақтар мен 400-ден астам делегат қатысады.