ӨСКЕМЕН. ҚазАқпарат – Өскемен қаласында аязда аялдамада тұрғандарды ала кету үшін тоқтаған жүргізушілерге полиция айыппұл салмайтын болды, деп хабарлайды ҚазАқпарат тілшісі.
Соңғы күндері Өскеменде ауа райы күрт суытып кетті. Соған орай кейбір көлік жүргізушілері аялдамада автобус тосып тоңып тұрған адамдарды ала кетуді әдетке айналдырды.
Алайда заң бойынша аялдамаға тоқтауға болмайды.
Бірақ ШҚО полиция департаменті түсіністік танытып, аяз қайтқанға дейін осындай жүргізушілерге айыппұл салмайтындығын мәлімдеді.
«Аязға байланысты азаматтарды ала кету үшін аялдамаға тоқтаған көлік жүргізушілері жауапқа тартылмайды. Тек олар қоғамдық көлікке кедергі келтірмеуі тиіс», - деп хабарлады департаменттің баспасөз қызметінен.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.